陽痿

前段時間睇了一個英國電視節目，內容是探討現今英國安老院的生活，先講講環境，雖然位置是在偏遠的小鎮，但院內設施齊全，似一個小社區，多過一間安老院，有餐廳、小賣店、活動室……。

節目內容主要是講述那些七八十歲的公公婆婆們，在那個社區內互溝的鎖事，當中有位公公殺手更在同一時間溝緊幾個阿婆，被溝之阿婆有的話：「死啦！我老公上年先死咗，我今晚同阿KEN食完DINNER，同唔同佢『打車輪』好呢……。」有的則話：「阿KEN同403室個阿婆上星期六晚才攪完嘢，前二日又同206室個阿婆去跳舞直落，咁我今晚去唔去DATE佢好呢……。」鏡頭一轉，原來在訪問那些阿公阿婆的子孫，筆者眼見他們道：「都好啦！有人陪伴吓佢，都不失為一件好事！」但其實佢哋個嘴，都不知幾咁扁。

而另一邊廂則報導一位中風阿伯被妻子遺棄在安老院，妻子在被記者訪問時，還理直氣壯地向丈夫道：「你中風嘛，又唔行得，喺呢到有人照顧你嘛！我重年青，我有『性』需要嫁，我要周圍去溝仔滿足下……你係愛我的話，難道你睇住我日日喺屋企照顧你，你先至開心呀？咁你太自私啦……。」鏡頭再轉向中風阿伯，佢二行熱淚係咁係眼眶內流出來，加上條長長的鼻涕襯托下，淒涼非常，當然攝影師哥哥更懂得並把握拍攝這煽情片段，把佢老婆臨離開那幕拍下，呈現給觀眾，而影片內則只見阿伯孤單一人在房內，哭至崩潰……。

本來筆者認為上述情況，只會發生在鬼佬身上，不料，幾個月前來了位客人來看八字，見其眼袋較黑，兩顴潮紅，加上八字命盤內用神（水）在流年（庚寅）被泄，妻宮則被暗合，筆者道：「你老婆有外遇，是否你們在性生活上不愉快之故？」客人回道：「我陽痿了三年多，長期失眠，加上小便不暢，上年我老婆成日話去打麻雀，原來係跟了條鬼仔至真，條鬼仔重細佢成十二年……。」客人停了一會，再道：「加上近來生意環境差，佢見我無家用比，咪跟老走囉，我老媽子未去賣咸鴨蛋之前無話錯我架，佢叫我唔好娶個細自己咁多嘅，現在抵死啦！」
筆者道：「算啦！走咗咪算囉！佢跟咗你幾年，你都無比佢知原來你大把物業在手，你此流年又無破財，又唔洗比人分一半身家，都算OK啦！」客人嚇了一跳地回道：「咁你都知？」筆者微笑了一下，問心講句，從面相上一看，那位客人必定是位禾稈冚珍珠之相格，而再細看八字，就更易明瞭其人『富貴』之程度，至於破解之法，筆者在《玄學揭秘》一書內已完全泄出，在此就不再囉唆詳談了。
客人臨走前預約了個看病的APPOINTMENT，說真的，中醫在治療陽痿上，療程當然比服「威而鋼」（VIAGRA）來得慢，但一旦被中藥治好，其能耐卻是比「威而鋼」利害千倍的啊，始終固本培元，才是治標又治本之法，鬼佬們一昧只求急見效果，又豈是他們所能明白的呢。

正如前述，治療時間是分階段的，故客人亦花了數月才再現雄風，初期筆者用六味地黃丸加減，講開此方，方中由三補之中藥及三泄之中藥組成，三補乃熟地、山藥及山萸；三泄則是茯苓、丹皮及澤瀉，乃宋代太醫錢乙在其《小兒醫證直訣》內之名方。服至一定時間，客人見回起色，但力量還是不足，筆者叫其把前方與另一名方：金匱腎氣丸交替地服用，當然亦要適當地在方中加入如：桑寄生、枸杞子、杜仲、菟絲子或巴戟天等壯腰補腎藥。幾個月後，客人笑容滿面，每次來找筆者，皆伴隨不同女伴，這也難怪，偏財透柱之男就是這樣，筆者亦只能叮囑他：「腎藏精，多泄無益，老黃，你六張幾啦！」