你是否贱格？

由米蘭飛去羅馬，前排有二位港式大姑，可能她們飲得港式奶茶多，份外夠茶味。加上她倆直覺上認為全機客人都係鬼佬，故其清翠的廣東話對話，猶如在耳邊開大個喇叭一樣，份外震撼。但其二人的談話，筆者亦覺幾有意思，故與大家分享其談話內容，相信這二位港式大姑亦不會介意。 大姑A話：「花師拉個獨女係九十後，暑假去了歐洲玩，好似話帶咗二萬幾港弊去SHOPPING。」大姑B道：「二萬幾蚊齋去SHOPPING呀？」 大姑A回道：「係呀！花師拉上網比曬D機票同住宿囉！」「嘩！係咁嫁啦！獨女嘛！係錫D嫁啦！」大姑B很感嘆地回道。 接著A又道：「阿花師拉上星期重攞住合ASDA自家出品嘅朱古力，話食到甜在心呀！」B問：「唔好咩？都有合朱古力呀！」A答：「那朱古力才幾鎊錢呀？加上是CHEAP LINE產品，阿花師拉重話那係唯一嘅手信，我記得我第一次去旅行，得六千幾蚊，我都用咗三千幾蚊買個意大利真皮手袋比阿媽啦！盒朱古力係那獨女使費嘅二千份一咋！其餘嘅自己買曬名牌。平日我見花師拉照顧其周到非常，溺愛又如何……唉！都係現代父母太錫之過，導致新一代溫室小花們都係自我中心過盛兼極度自私。」B道：「咁又係呀！舊抵我哋兄弟姐妹又多，老豆老母哪有時間理我哋，條命又比現代D小孩賤，反而我哋呢代長大後都懂孝順佢哋為先……。」

故事講完，回題到風水，今次分享三間在意大利的食店，當中有好味的，亦有差爆嘅，就以第一間為例，此餐廳在羅馬鬥獸場附近酒店區內的VIA CELIMONTANA街上，餐廳名叫LUZZI LUCIANO，其店有二門，一向癸，另一向乙，故此店論人流，在八運來講，真是利害非常。客人旺，自然侍應忙，當然火爆兼「臭串」嘅伙記亦相對比例上較多；論食物，質素其差。但由於此店的位置在風水上正是旺丁不旺財格，故此店吸引了大批飢餓的遊客入內，但筆者要補充一句，此店只是人流旺而已，並不等於老闆可賺錢啊！ 相反，筆者在米蘭反而有驚喜推介比大家，地址在20122 MILAN﹣LARGO AUGUSTO，7街上，餐廳RESTAURANT PIZZERIA（L’ALBERO DEL PEPE）（圖M001），店坐丑向未，人流極旺，食物質素亦好，只可惜是伙記只會跟你說意大利語，否則就更錦上添花了。而另一在地鐵站POPTA VENEZIA附近，一間地道到飛起的茶餐廳（圖M002），麵包及咖啡質素都十分好，伙記有禮，糕點又多，其店坐向又是坐丑向未，生意同樣爆棚。