要理解作者好明顯是中國大陸人士.

大陸禁玄學多年,近年才比較流行,的確有好大部份人都不知道八字同紫微斗數分別,有好多就連西曆同農曆都分不清(80後).人人都係人問我又問的心態.亦因為大陸禁了好多年,很大程度上影響到這方面的發展,無論商業上,學術上,都停了很長時間.因此大陸好多這方面的書都比較"粗淺".

相反,香港台灣對這方面一直較開放,變相令到各人對這方面"通識"教育比較深入.雖然好多書籍內容都係太流於表面...

所以,配合中國"國情"去理解,的確很大部份人都係近年才開始對西洋玄學開始發生興趣.亦即係相関行業有商機...但同時又存在"大中國主義",所以最後一定會認為中國玄學/學術比西方的利害.

可是,當你拿一個APPLE跟一個橙去比較時,兩個本質好像相同(都是生菓),但質地口感結構味道都不相同,那麼所謂"比較",到底係比什麼呢?

正如拿西方玄學同中國玄學比較,大家的"用"好似相同,但"體"方面有好大分別,單單支持成個概念的文化背景就有好大差異,要作出比較,最基本要東西方文化玄學都要了解通融.

作者一下子要比較多種不同東西方玄學/學術,他是否有這深厚的底子和資格去評論和比較呢?這麼複雜的學術問題,會否有可能單單一篇網文便可交代清楚呢?