我都係粗通命理的，假如妳認為我屬身弱格而非從財格，噉妳話要我這幾年小心謹慎係理所當然。<br /><br />不過我並不認為我屬身弱格。假如我真屬身弱格，噉丙午一運應該大順大利，但係我自2000年入此運卻衰足七年！2001年（午運巳年）開始我的工作境況就每況愈下，屢遭上司無端非難，2002係午運午年，我卻在此年落職步入失業大軍，2003係午運未年，全年失業，陷入人生最低潮！若以身弱格論，噉我的祖上（年柱位）應該留蔭有餘，但事實上我祖上破敗不堪；以身弱格論，甚至乎我無可能生存到現時，皆因第一大運戊申就凶險異常，但事實上我年少時雖體弱多病，卻一直無驚無險，好平順。<br /><br />我年月日時四支的巳酉丑三字係成金局的關鍵，其中尤以提綱月令最為重要，假如巳酉丑三字中係巳丑兩字佔據月支位，噉判身弱格係講得過去的；不過我的月支位係酉字佔據，亦即係話秋月金正當令，時柱又辛金明透，金通根透氣又三合西方局，加上月幹己土透出，盤根日時支兩丑土的同時，又隔斷年柱丁巳，年幹丁火為月幹己濕土所洩，年支巳祿既為月幹己土所洩，又為巳酉丑金局所合，加之四柱八隻字中無一絲木印之氣，日元丁火無助唯有從財。假如柱中齋有巳酉丑金局同辛金明透，論從財或有疑問，但係柱中有三土生護，兼無一絲木氣，從財應真。