出自維基百科
義和拳，又叫做義和團，係中國19世紀末一個反西方嘅組織。佢哋認為自己練嘅拳係刀槍不入，唔怕洋鎗大炮
義和拳利用設立神壇、畫符請神等嘅方法秘密聚眾，教授信眾修煉一種據稱可以令人刀槍不入嘅拳法，即係「義和拳」。義和拳其實同神打差唔多，都係起壇作法，令人迷迷糊糊，念咒語然後請神仙上身，然後自以為刀槍不入
義和團就請埋齊天大聖、關公等等小說人物。最初義和拳同當時清朝大部份黑社會一樣，反對滿族統治，以「反清復明」為口號。遭到鎮壓之後，轉而支持大清而極力排外，口號改為「扶清滅洋」