談錫永，筆名王亭之，係香港嘅佛學家同埋專欄作家，

亦係紫微斗數、玄空風水同埋中國畫嘅專家。而家已經

移居加拿大多倫多。

談錫永係廣東南海鑲白旗世家子弟，自細就已經熟習琴棋

書畫、醫卜星相、西派道家諸學，亦有研究子平八字、易理。

佢有同紫微斗數嘅中州派劉惠蒼師父學過嘢，得到佢嘅真傳

，重將紫微斗數喺香港發揚光大。一方面，佢收咗40個門徒

，成立咗紫微斗數學會，從事學術性嘅研究；另一方面，佢

亦喺《明報》嘅專欄同佢嘅著作入面指出當時喺香港流傳嘅各

種關於紫微斗數嘅問題同埋錯誤或者流弊。

佢喺佛學方面亦有好深嘅造詣，並且為佛教聯會撰寫多本有關佛

教基本要義嘅書。28歲因為機緣關係加入金剛乘學會，跟隨劉銳

之上師同埋佢上師敦珠仁波切修習藏傳佛教。38歲得阿闍梨位

，法名無畏金剛。後尾成立咗密乘佛學會，翻譯寧瑪派經書。