龔如心1937年響上海出世，香港瑪利諾修院學校中五畢業。

華懋集團前身嘅華懋公司，就係佢老爺王廷歆1940年代響上海開嘅。
因為華懋公司係做塑膠原料、飼料、漂染、西藥生意，所以王廷歆同龔雲龍
兩家喺上海有生意來往。而龔如心、王德輝就由細玩到大。

1945年二戰結束，華懋公司搬來香港，而王德輝1947年來香港讀書，
而龔如心就1955年中到香港，住響王家。1955年9月29號龔如心十八歲生日
，佢就嫁畀王德輝，入佢家公華懋有限公司幫手，1960年兩仔爺開華懋置業
，做地產生意，最後變成家下華懋集團。1967年暴動，兩夫婦就趁平賣入唔少地
，發大達。1968年，夫婦不和，大家都有外遇，最後都有和解。王德輝係不育嘅
，所以兩夫婦無仔女。

1970年代華懋係香港數一數二嘅華資地產商。

1983年王德輝俾人綁架，龔如心畀咗 8,580 萬贖金先放人。1990年王德輝又俾
人綁架，龔如心畀咗 4.68 億元贖金後，王德輝都係連影都無。龔如心透過攤薄
王德輝嘅參明有限公司股份，接管華懋集團主席。1997年獲選美國《福布斯》世
界超級富豪榜之中，華人女性排第一。