首先，我現在用八字論命時，只用十個變通星，因為我發覺如果用五行季節性的方法是很難明白和容易出錯的。

特別如果是一些特別格局，用五行季節性的方法根本解唔通，又或者係我蠢啦，哈哈！

例如木火食傷格（從兒格），用變通星去睇，會係食傷越旺越好，因為木日主可以完全從食傷，原全放棄自己嘅喜忌，以食傷嘅喜忌為自己嘅喜忌，局中有財的話，行運遇食傷仲會發富發貴。但係如果用五行季節性的方法去睇，好容易會話佢火木自焚... 咁係唔係話會變成炭呢？我就係因為用呢種方法睇到好矛盾，所以我唔再用五行季節性的方法去睇。我而家只用十個變通星，都有唔錯嘅準繩度。當然，有Ｄ特別情況要睇返五行嘅旺弱，例如人嘅外表，體質等等。最最最最最重要嘅係，用十個變通星論命，捉錯用神嘅機會率比較低。如果一開始連身旺定係身弱都分唔到，又或者分錯，之後講乜都錯。

庚金劈甲引丁,身旺時係叫木火通明（唔建議你去記呢Ｄ文言文），但係身弱應該叫木火自焚。原因係身弱嘅木日主根本無力生火（食傷）。

你甲坐申直克，申同時支子合住又不化印，甲本身晌月提又泄氣過度，仲要印弱不能生甲。你講得啱，如果唔係你月支係財星，申金根本無立足之地，即係話你以財生官，可以話你對男性有一定嘅吸引力。因此你申生子，子生甲。可以解釋到你面對緊嘅情況。你原局嘅地支殺印不能合化，原因係天干無引，月提又唔係印而係財，即係話晌月提嘅反對下，即使你印運時天干遇印有引，都會克月提，凡遇沖克月提，都會有好大嘅變化。

如果財係你嘅喜用神，你嘅幼年期間家境應該係好，偏財為父，父親應該對你好，學業都會係好。
但係據你自己所講，均與事實不合。

幼年至少年期間的運程好壞，家境好壞，學業成績，絕對係捉用神同分身旺身弱嘅最好方法，因為每個人的幼年期間所面對嘅問題都一定比成年之後所遇嘅簡單同明顯得多。我就係用呢個方法去幫人論命。你可以查閱一下我嘅貼文。