有時係度諗....係咪真係...整定...
果陣拍拖argue
明知唔好
但好似有人"qu"開你把口咁
死都要吵
而且好多野都好唔順
一次,兩次.....等等既不順
擺明有人玩緊你咁
哈...
自己個勢唔好
同人一比
無論你做几多野都冇用
感覺就好似你坐住條船
拎住支擽
係條好急既河度
比d水沖住咁走
任你點用力撐
最終都只係得個吉
最怕就係咁
真係好無奈
我以前唔信邪
死都唔信
但慢慢自己會feel到
呢d野唔講得小
d人話最終決定權在於自己
哈....我唔覺得
頭先都講過
好似係條好急既河度咁
比盡你發晒茅撐
都只不過係捱多一陣
最終結果影響不大
我講呢d野你可能會唔認同
好運時你會覺得個世界好似你玩晒
好似好多野都係你手上掌握
但呢d只不過係個勢帶比你既甜頭
到你唔好運時
你就會發覺邊個先係話事
我唔信"英雄造時勢"
只信"時勢造英雄"
天時,地利....最後先至係人和
任你好鍾意一個人
同佢好似好好
但個勢係要你同佢分開
就係分開
呢個世界冇一生一世既天生一對
你去到邊個moment
邊個就係同你"天生一對"
有邊對情侶一開始拍拖會諗有分開既一日?
一生一世?
未到死果一日都唔知係咪會一生一世
開始拍拖時乜都講得出
"呀,同你真係夾啦"
"唔會唔要你"
哈....
你鍾意佢時
你會覺得乜都係真
唔鍾意佢?
講左等於冇講
你個心一定會覺得唔係咁
你會覺得好多野都係自己掌握
係...有d野係
有d野唔係
愛情呢d野
你係好就好
唔好就唔好
因為已經唔再係一個人既事
可能自己冇諗過會分開
但你係唔好運就唔好運
要散果個就算唔係你
就會係佢
你可以控制到自己既決定
但控制唔到佢
人生,係就咁之嘛
AI算命大師
前一個議題
索引
